خاب ظني وأوجعني سني

أنا يوم دخلت ذا المنتدى وشفتكم حاطين منتدى الأحلام وانا اللي أقول زبط وأشهق من الفرح والوناسه قلت دزيم اني القي عندكم أحد يفسر أحلام ويوم دخلته لقيته فاضي يصفر كنه بيت جن وخاب ظني في اني ألقى مفسر أحلام الحين وراكم ما تجيبون لنا فيذا مفسر ولا كانكم مطاوعه جيبو مفسرة أحلام أكثر ما كثر الله مفسرين الأحلام وانتم عجزتو تجيبون واحد ياخي ما تبون الأجر أنتم قدمو خدمة للناس عشان تدعي لكم استغفر الله العظيم الله لا يعاقبنا بسبتكم منتدى طويل عريض ما فيه مفسر أحلام

اقتباس :

أنا يوم دخلت

قولي قسم

اقتباس :

أحد يفسر أحلام

عزيزتي الهاربه

مشكله الي يفهم غلط

ومشكله الي مايفهم صح

منتدى الاحلام لا يقصد به انك تنومين وتحلمين وبعدين تقومين

وتغسلين وجهك وتفرشين اسنانك وبعدين تجين وتسردين الحلم

لنا وتبغين يفسر

نحن نريدك

ان يكون لك خيال واسع

وافكار متناثر

ومعلومات واحداث متبدبده << مايمديكم

فانتِ وبحكم انكِ سجلتي في هذا المنتدى العريق

ماعليك الا ان تجمعي المتناثر من هذه الافكار

وتطرحينها علينا

لنستمتع سويا بهذا الحلم الذي هو

من صنع خيالك

وفي نهاية المطاف لا يسعني الا ني اسالك

سؤال مهم

كيف الحال ؟

وشكرا

اولا وش تحسين به

ثانيا انت اكتبي حلم ونفسره ترى في المنتدى ناس تفسر الاحلام

ثالثا خلي عنك العجله الركاده زينه فيه شي اسمه خاص اساليني ثم اشتكي

رابعا هنونو وفت وكفت في الشرح لناس .......

سؤال مش عادي

وش غداكم ؟

هنونو

الله يهديس بس احر ما عندي أبرد ما عندس يا ناس وشلون أقدر أكتب أفكار وخيال ومدري وشو وأنا بحلتن بهالأحلام ما لقيت أحد يفسرها هي سادة الطريق على الأفكار والخيال والأشعار اه بس منكم يا هالمنتدى ما حد فاهمني فيه


ادمن
والعياذ يالله وش هالاسم أدمن وش تدمنين عليه الله لا يخزينا لا وبعد تبيني أعطيس أحلامي تفسرينها تبين توديني في داهية انتي اقول اها بس دوري لنا مفسرن سنع وخلي عنتس غدانا ابد ان جبتي اللي ابيه عزمتس على ذبيحة>>> احتريني

وخرو وخرو اتركوني عليها يالهاربه جاك ما تمنين امري تدللي معاك مفسرة الاحلام بس وين فلوسك اول عاد حاسبي بالدولار ارسلي حلمك
سؤال مهم وش فطوركم قبل امس

خخخخخخخخخخخخخخخخخخ الهاربه من جد وش تحسين فيه ياقليبي!؟

محبوبة الكل

يا هلا بالمفسرة بس يختي وراس طماعه من أولها تفكرين في الفلوس ومدري وشو أول ورينا انتاجس عطينا عينات من تفاسيرس السابقه عشان نحكم ولا اقولس فسري لي انا مجانا وخليني دعاية لمنتجاتس

جولي

يا خيتي جاني المر اللي مرمر سبدي من ذا المنتدى قمت أحلم بكم وأخذت الأحلام تزيد وما من مفسر

اسمعي حبيبتي انا بافسر لك حلمك قبل ما تقولينه عشان تعرفين اني خطيرة بس سوي لي دعايه صدقتك
حلمك تفسيرة انك انسانه تعانين من الغربه وتتالمين من فراق احبتك من روئيتي المتمعنه في حلمك انك بأذن الله سبحانه سترزقين باطفال كم عددهم؟؟؟ بعد عشرين سنه اعلمك كذالك لديك اخوات واخوان منهم فقرا لله ومنهم ما بعد دخلواعضاء
ايضا لديك ام رائعه جدا جدا الله يخليها لكم
اتمنى اني قد افدتك ها يالله وين الزباين

محبوبة الكل ماصرتي مفسرة احلام

صرتي عرافه

هههههههههههههههههههههه الله يقاصرنا ويقاصرس بالأحسان يا محبوبة الكل عسى منتب عرافه على قوله ادمن ولكن هيهات هيهات كذب المنجمون ولو صدقو وش فيكم انتم ملخبطين تراكم
وحده تقول لي غربه ووحده تقول لي خنزير
لا لا يا محبوبة الكل راجعي الحلم زين تراس مبعده

هذا اسمه منتدى الاحلام مو منتدى تفسير الاحلام يعني المفروض اذا دخلتيه ما تلقين احد لانهم نايمين خخخخخخ